Подлежащий

Кö? Мо? йодыш вуйыштемже

Шомак-влакым сÿретла.

Подлежащий воктенемже

– Тÿҥ член улам, – ман ойла.

Сказуемый

Подлежащий ден кылдалтше,

Тÿҥ член эреак улам.

Илышнаже пеледалтше

Кечат шыргыжеш мылам.

Мом ышташ? Йодат гын öрын.

Шочмо йылмым чот тунем.

Йöратал тÿням, чеверым,

Вуй йырет илал шонен.

Мураш, кушташ, каналташ,

Яндар юж дене шÿлаш.

Модаш, сÿретлаш, лудаш,

Сказуемый полша илаш.

Рашемдык

– Предметын палыжым ончыктышо

Могай,  кöн, мон, мыняр?

Мынярымше, кудо, кусо?

Кунамсе? – йодеш шып гына.

Тÿрлö йодышым шочыктышо,

Рашемдык ок öр нимыняр,

Оласе улам мо ялысе.

Кеч ешартыш член гына.

 Ешартык

Мый предметым ончыктем

Кöм лукташ гын ончыкем?

Мом оҥайым каласаш?

Кöлан жап чеверласаш?

Кö нерген да мо нерген,

Кö дене да мо дене,

Кö деке да мо деке?

Йодыш шочеш вуйыштем.

Кö деч ончыч тўҥалаш,

Мо деч шонышыч шылаш?

Мый ешартыш член улам

Ешартык лÿм келша мылам.

 Умландарыше член

Кушто, кушко да кушеч?

Йодыш-влак колтат ушем.

Кушан мутым вераҥдаш,

Ойлончышто чын шындаш.

Кунам, кунамсек, кузе?

Ом умыло нигузе.

Кєлан верч да молан верч?

Могай мут покта шеҥгеч?

Мыняр гана йодынам

Шкак вашмутым пуэнам.

Ешартыш членже мо гала,

Умыландарыше член ала?