Эх, кудывечыште пием

Тöрштылеш, кудалыштеш. (верыште тӧрштылына)

Мый воктекыже мием.

Модын, йол йырем пöрдеш. (йыр савырнена)

Икыт – тöршталтен опта, (ик гана тӧршталтена)

Кокыт – вуйжым савыра. (кок гана вуйнам савыралына)

Кумыт – капшым модыкта. (кум гана капнам тарватена)

А кузе кертеш ырлаш.

Поктылам, а тудо тале, (верыште куржына)

Мый дечем виян улмаш.

Шемечемым от ондале, (вер­ыште ошкылына)

Лий спортсмен, ок лий сеҥаш. (парт коклашке шинчына)

Тамле кочкышым поген, (верыште эркын ошкылына)

Шоҥшо мöҥгыжö вашкен. (верыште писын каена)

Ярныш, шинче каналташ, (лап лийын шинчына)

Кÿлеш сайын шÿлалташ. (шўлышым налына)

Эх, тӧршталтыш кенета. (тӧршталтен кынелына)

Мо шеҥгечын йÿк шокта. (йыр пӧрдын савырнена)

Ну, кудалеш, чымыкта… (верыште куржына)

Шкенжым ÿмылжö покта. (парт коклашке шинчына)

Ончо, кузе тöрштылам, (верыште тӧрштылына)

Рывыж, воктечем кораҥ. (йыр пӧрдын савырнена)

Ужат, таче мый улам (верыште ошкылына)

Лÿддымö, чолга мераҥ.

Поктен от шу – кудалам, (верыште куржына)

Рывыж, воктечем кораҥ.

Тышке-тушко ончалам, (кок векла савырнен ончалына)

Улам весела мераҥ. (икте-весым ончалын, парт коклашке шинчына)

Каза каен чодырашке (верыште ошкылына)

Тӧршталтен, тӧршталтен. (тӧршталтена)

Кудалаш ок вашке

Кая мурен, тавалтен. (кок векла лÿҥген каена)

Кидше совым пералта. (кидсовым пералтена)

Йолжо ончыко чыма. (йолна дене писын тарванена)

Адак шогал тавалта, (тавалтена)

Весела каза мемнан. (йыр пӧрдын савырнена)

Мардеж талышнен пуа, (кидым кÿшкӧ ыштен,

                                         кок векла лÿҥгалтына)

Лӱҥгалтеш чодыра, уа.

Мардеж эркын, эркын, эркын, (кидым кок векла ыштен,

                                       эркын лÿҥгалтына)

Мый улам чодыраште шкетын.

Чарне лӱшкымым, колат, (кидым ÿлык ыштена)

Молан талышнен толат? (киднам кок векла ыштен,

                                      капге шеҥгек-ончык тарванена)

Шыплана чодыра, уа.

Мардеж шыматен пуа. (шып парт коклашке шинчына).

***

Кайык-влак чоҥештат, (вер гыч кынелына)

Чоҥештат, чоҥештат. (кок векла киднам ыштен савырнена)

Шокшо элышке вашкат, (йыр савырнена)

Чот вашкат, чот вашкат. (писын йыр савырнена)

Улыт поро йолташна, (йыр савырнен, икте-весым ончалына)

Йолташна, йолташна. (икте-весылан шыргыжалына)

Ме чеверын манына,

Манына, манына.

Кайык-влак чоҥештат, (кок векла киднам ыштен савырнена)

Чоҥештат, чоҥештат. (писын савырнена)

Шочмо мландышке вашкат, (верыште ошкылына)

Чот вашкат, чот вашкат. (парт коклашке верланена)