Надежда Иванова-Ильина

  ***

Авам дечын йодым

Парням эмлаш йодым.

-Уке, -мане – йод.

Кай пошкудыш йод.

***

Ате пелен шольым модо,

Пызырген пытеныс модо.

– Эх, молан гын тыге модым,

Ынде ом коч тиде модым.

***

Таче пешак йÿштö кече,

Мардеж дене йöрлын пече.

Кеч-могае лийже  кече

Ну, а печым тачак пече.

***

Шогышым мый шып ик тат,

Воктекем ыш тол иктат.

***

Толын шуо тылзе – кылме,

Кап-кылем садак ок кылме.

***

Авамлан огеш кÿл шöртньö,

Тудын кидше тугак шöртньö.

***

Уремыште теле кече.

Ӧрканенрак онча кече.

***

Шольым пум кыртмен опта,

Йырже пöрдын, пий опта.

***

Моткоч писын шулыш ий,

Эртен кайыш лач ик ий.

***

Воктенем, сырен, ковам шинча,

Осал пашам ыштымем шинча.

***

Кия пöлем мучко пого

– Мичуш, тудым сайын пого.

***

Пижын вургемеш чия,

Тудым ынде кö чия?

***

Шинчым серышым возаш,

Шуо жап малаш возаш.

 ***

Ял мучаште йÿк шокта,

Кö гармоньым гын шокта?

***

Телефоныштем уло код

Мутланаш изишлан код.

***

Таче ом ярсе кушташ,

Пакча-саскам кÿлеш кушташ.

***

Мардеж ÿмбакем пуа,

Кö гын курткыжым пуа?