1. Ш.Осып кушто да кунам шочын? (Шернур район Изи Лужалу ялыште 1898 ий 27 мартыште шочын.)
2. Марий литературышто Ш.Осып кö семын палыме? (Писатель-классик, поэт-лирик, туныктышо, мер пашаеҥ.)
3. Ш.Осып Н.К.Крупская лÿмеш марий кугыжаныш пединститутышто могай ийыште туныктен? (1933)
4. Писательын могай эпический произведенийже-влакым паледа? («Кориш», «Тÿшка вий дене», «Акырсаман» повесть-влак, «Ӱдырамаш корно» роман)
5. «Кориш» повестьысе герой-влакым ушештарыза. (Кориш, Оляна, Петр, кÿтÿчö Опой… )
6. «Тÿшка вий дене» повестын тÿҥ шонымашыже каласыза. (Пÿртÿсым аралымаш.)
7. «Тÿшка вий дене» повесть гыч герой-влакым кöм паледа? (Павыл, Иван Васильевич, Анна Ивановна, Йогор Васли, Рывыж Епий…)
8. «Акырсаман» повесть гыч герой-влакын лÿмыштым ушештарыза. (Прокоп Васли, Орай Пöтыр, Кузьман Йыван, Васли Йыван, Окси, Матвуй, Тайлан Выльып, Васли кува…)
9. Ш.Осып возымаштыже могай марий семÿзгарым моктен. Тидын нерген могай произведенийыштыже ончыктен? (Кÿслем моктен, «Мурызылан», «Кÿслемлан», «Мыйын мурем», «У кÿслем», «Кусле йÿк» почеламутлаште тидын нерген возен.)
10. «Ӱдырамаш корно» романысе герой-влакым ушештарыза. (Марина, Чачи, Ануш, Кори, Сергей, Клавдия Алгаева, Каври кугыза, Ведат, Ондри…)
11. «Ӱдырамаш корно» романын тÿҥ геройжо кушто тунемеш? (Марина Озаҥ университет пеленсе рабфакыште тунемеш.)
12. Ш.Осыпын «Ӱдырамаш корно» романын икымше ужашыже могай ийыште савыкталт лектын? (1930)
13. Романын кокымшо книгаже могай ийыште лектын? (1936)
14. «Ӱдырамаш корно» романын кок ужашыжат могай ийыште савыкталт лектын? (1937)
15. «Ӱдырамаш корно» романын тÿҥ шонымашыже. (Марий ÿдырамашын уэмын, кушкын толмыжо.)