Марий йылме дене вашмутан тест
2 вариант

1. Вес мут гыч лийше пале мутым муза.
1) чодырадыме
2) ошырак
3) волгыдо
4) чеверрак
Чын вашмут 1

2. Могай суффикс пале мутым ышта?

1) -ер
2) -ла
3) -дыме
4) -эм
Чын вашмут 3

3. Междометиян предложенийым муза.
1) Зал гыч фойешке, фойе гыч тÿгö чылаштын «Ура-а!» шергылтеш. (С.Ч.)
2) Пасушто, корно воктене, кугу тумо шога. (С.Ч.)
3) Лач тыгаяк мыланем шочмо-кушмо Кÿчыкэҥер селам. (М.К.)
4) Лышташыже иланен шумеш, стакан дене леведман. (газет гыч)
Чын вашмут 1

4. Олмештыш мутан предложенийым муза.
1) Август тылзе пытыме годым йÿкшемдаш тÿҥалеш. (С.Ч.)
2) Пöтыр изинекак аважым пагален илен. (М.Шк.)
3) Рвезе калыкым оранек салтакыш наҥгаен пытарышт. (Ш.О.)
4) Тудым тыглай сондык семын почын ончалаш ок лий.
Чын вашмут 4

5. Вес мут гыч лийше наречийым муза.

1) шаҥге
2) теҥгече
3) писын
4) эрла
Чын вашмут 3

6. Наречиян предложенийым муза.
1) Нуно шке ыштыме пашашт нерген кутырат, ончык ыштышаш нергенат каҥашат. (С.Ч.)
2) Кечыйол каватÿрым ниялткала, шереш. (А.Ф.)
3) Нимогай янлыкат пирын виса сонар ден ялозанлыклан эҥгекым ок кондо. (Ю.Ч.)
4) Мемнан калыкна мландым йöрата, мастар кидше дене киндым кушта, пиалан илышым чоҥа. (В.С.)
Чын вашмут 1
7. Наречийым ыштыше суффиксым ончыкташ.

1) -нек
2) -лан
3) -тар
4) -еш
Чын вашмут 1

8. Сложный наречийым ончыктыза.

1) ала-кушеч
2) йырваш
3) ожнысек
4) вуйшияш
Чын вашмут 2

9. Икымше эртыше жап глаголым ончыктыза?
1) тольым
2) толынат
3) толына
4) толам
Чын вашмут 1

10. Кокымшо эртыше жап глаголым ончыктыза.
1) пурышым
2) пурыш
3) пуренам
4) пурем
Чын вашмут 3

11. Глаголым ыштыше вес ойлымаш ужаш гыч лийше суффиксым ончыктыза.
1) -л-
2) -ешке-
3) -аш-
4) -ытк-
Чын вашмут 1

12. Действительный причастийым муза.

1) толшо
2) сеҥыме
3) ужмо
4) ончышаш
Чын вашмут 1

13. Могай причастийыште суффикс ончылан -ы- буква возалтеш?

1) пурл…мо
2) уж…дымо
3) наҥгай…ше
4) тол…мо

Чын вашмут 3

14. Причастийым ойырен лукса.

1) чодырадыме
2) ужде
3) вучышаш
4) пасудымо
Чын вашмут 3

15. Деепричастий-влак тÿшкам ончыктыза.
1) мурышо, толмо, вучымеке
2) лекме, толмешке, ужде
3) толде, пурымеке, ончышаш
4) кайымеке, ончышыла, пурыде
Чын вашмут 4

16. Палемдыме мутышто мыняр суффикс уло.
Уремыште коштшемла, икана оҥай еҥым вашлийым.
1) ик суффикс
2) кок суффикс
3) кум суффикс
4) иктат уке
Чын вашмут 3

17. Колмым ончыктышо оҥартыш мутан предложенийым ончыктыза.
1) Яшай ватын кидше гыч сорла камвозо, кÿвареш пернен, чылдыр-чолдыр муралтыш.
2) Сакар кыде-кодо кынел шогале.
3) Ваню шинчаж дене пыльт-пыльт ыштыш.
4) Вачин могыржо ко-ож ырен кайыш.
Чын вашмут 1

18. Наречий гыч ышталтше почеш мутым палыза.
1) вашеш
2) марте
3) гыч
4) деч
Чын вашмут 1

19. Ойырен палемдыше частицым ончыкташ.
1) веле
2) теве
3) мо вара
4) гала
Чын вашмут 1