Майоров-Шкетанын илыш корныжо да сылнымут пашаже почеш
8 класслан ямдылыме тест.

1. Мо тыгай биографий?
1. Иктаж еҥын илышыжым почын пуымаш.
2. Шке илышым возымаш.
3. Писательын сÿретлыме герой-влак деке кумылжым почын пуымаш.

2. М. Шкетанын шочмо районжым ончыктыза.
1. Оршанке
2. Медведево
3. Морко

3. Писательын илыме жапше:
1.1909 — 1943
2.1888 — 1937
3.1898 — 1937

4. М. Шкетан мыланна кö семын палыме?
1. поэт-лирик, киноактер
2. поэт-новатор
3. писатель-классик, драматург, поэт, прозаик, тале публицист

5. Оршанке районышто Тошто Крешын ялыште М. Шкетанын пöрт-музейже могай ийыште почылтын?

1. 1992 ий 29 октябрь
2. 1937 ий 12 февраль
3. 1898 ий 17 октябрь

6. Оршанке посёлкышто писательлан 1967 ийыште памятникым шогалтыме, кö скульпторжо?

1. В. М. Козьмин
2. М. О. Микешин
3. И. П. Мартос

7. М. Шкетанлан шочмо ялыштыже памятникым кунам почыныт?

1. 1960
2. 1966
3. 1963

8. «Илыш ÿжеш» повестьыште могай жап ончыкталтын?

1. 1920
2. 1918
3. 1934

9. «Илыш ÿжеш» повестьым автор эн ончыч кузе манын лÿмден?

1. «Вÿр шолеш»
2. «Илыш мура»
3. «Поро кече»

10. Кö тыгай Карышев?
1. Илышыж верч чытырыше, лÿдшö чонан еҥ.
2. Калыкын ойжо дене илыше айдеме.
3. У власть верч шогышо айдеме.

11. «Илыш ÿжеш» повестьыште тиде койыш-шоктыш могай геройлан келша?
«Ӱҥышыла койшо чоя айдеме. Тудо еҥым кидыште кучаш йöрата, шкеж деч ушан еҥым ок йöрате, ок жапле. Тÿҥ шонымашыже – кеч-могай власть годымат илен лекташ».

1. Фугасов
2. Кердин
3. Байков

12. Шукыточко олмеш келшыше геройын фамилийжым шындыза.
… ушыж дене у власть дене келша, тудым чынлан шотла. Шкеже поро кумылан, руш кресаньык. Пашалан вуйын шогышо, ÿшанаш лийше айдеме.

1. Мараев
2. Байков
3. Фугасов

13. Кö нерген произведенийыште автор тыге каласен?
«Пеле руш, пеле эстон, Ямбург ола гыч толшо беженец. Империалист сар шукертак пытен гынат, мöҥгышкыжö каен кертын огыл, ындыже огешат кай. Тиак пашам сай шинча».

1. Карышев
2. Кочик
3. Пöтыр

14. Тиде койыш-шоктыш кöлан келша?
Илышыж верч чытырыше, лÿдшö чонан еҥ. Тудо шылын куржашат, амбар сравочым луктын пуашат ямде.

1. Винокуров
2. Карышев
3. Байков

15. Тыгай шонымашым произведенийыште кунам луктын каласыме?
«Да! Илыме шуэш! Илаш, пашам ышташ! Илыш ÿжеш».
1. произведений тÿҥалтыште
2. произведений покшелне
3. произведений мучаште
16. Мо тыгай юмор?
1. Айдемын иктаж-могай уто-ситыжым, тöрсыржым тöрлаш ÿжын воштылмаш.
2. Илышыште вашлиялтше ситыдымашым шыдын койдарымаш, игылтмаш.
3. Янлык, вольык, насекомый да моло предмет гоч айдемын койышыжым почын пуымаш.

17. «Парашют» ойлымашын экспозицийжылан мо шотлалтеш?
1. Театр буфетыште ончаш толшо-влакын мутланымышт.
2. Ипат кугызан Майрук уныкаж дене палдарымыже.
3. Майрукын парашют дене волымыжо.

18. Мо тыгай развязке?
1. Тÿҥ действий тÿҥалмым ончыктышо событий.
2. Действийын вияҥ шумыжо.
3. Действийын рудалтмыже, герой-влакын пÿрымашышт рашеммаш.

19. Ипат кугызан ойыштыжо могай сылнештарыме йöн шижалтеш?
«Орадыла, шинчам карен, пöртöнчылнö шинчылтам. Маскала мален колтенам».

1. таҥастарымаш
2. метонимий
3. синекдоха

20. Мо тыгай синекдоха?
1. Предметын але иктаж-могай явленийын ойыртемалтше палыжым ончыктышо сылне мут.
2. Ужашым тичмаш гоч але тичмашым ужаш гоч, иктым шуко гоч але шукым икте олмеш ончыктымаш.
3. Предметын палыжым иземден ончыктымаш.