Димитрий Орайын илыш корныжо да творчествыже почеш
8 класслан ямдылыме тест.

1. Димитрий Орайын чын фамилийжым ончыктыза.

1. Степанов
2. Григорьев
3. Богословский

2. Писательын шочмо районжым палемдыза.
1. Шернур
2. Куженер
3. Параньга

3. Д. Орайын псевдонимже кузе шочын?
1. Писатель первый заметкыжым Д. Чорай дене возен колтен, но печатлыме годым тиде шолып лÿмын первый букваже лектын возын улмаш, сандене вучыдымын у псевдоним – Д. Орай — лектын.
2. Орай псевдоним дене «Йошкар обоз» икымше ойлымашым возен. Тиддеч вара эре Орай лÿм дене возаш тÿҥалын.
3. Пашам ыштымыж годым чот пÿжалтын, тувыр мелгандыражым ик ганат кылден огыл, а орай коштын. Тыге тудо сылнымутан произведений-влакым Орай псевдоним дене возаш тÿҥалын.

4. Мо тыгай псевдоним?
1. Произведений мучашеш шындыме шонен лукмо лÿм.
2. Произведенийысе образым чоҥаш негызым пуышо илыш гыч налме еҥ.
3. Герой-влакын ваш-ваш кутырымышт.

5. Д. Орайлан памятникым кушто шогалтыме?

1. Йошкар-Олаште
2. Косолоп селаште
3. Шернур поселкышто

6. Писатель могай ийыште шочмо районыштыжо колхозым ышташ полшен?

1. 1909
2. 1930
3. 1937

7. Д. Орайын икымше ойлымашыже 1929 ийыште лектын. Тудо могай лÿман?

1. «Йошкар обоз»
2. «Йомшо кагаз»
3. «Осып Ваня»

8. Писатель «Чолга шÿдыр» повестьым могай ийлаште возен?

1. 1944 – 1949
2. 1945 – 1947
3. 1950 – 1952

9. «Чолга шÿдыр» повестьын темыжым палымдыза.
1. Самырык совет учрежденийлаште уто-сите койыш, бюрократизм ваштареш кучедалмаш.
2. Коллективизаций, класс кучедалмаш, пиалан колхоз илыш.
3. Шочмо элым йöратымаш, тудым тушман деч аралымаш, совет патриотизм.

10. Молан писатель повесть тÿҥалтыште Савак вел ден ава нерген лирический отступленийым пуртен?
1. Лирический отступлений айдеме тукымлан илышым пуышо авалан моктеммуро лиеш.
2. Лирический отступлений шочмо элым, авам йöраташ, нуным эн лÿдыкшö жа-пыште шучко тушман деч аралаш, нунын тыныслыкышт, пиалышт, куанышт верч эре тыршаш мемнам ÿжеш.
3. Лирический отступлений Савак велын мотор поянлыкшым, ойыртемалтше сынжым сÿретла.

11. «Чолга шÿдыр» повестьыште могай жап сÿретлалтын?
1. сар деч ончычсо да сар жапысе илыш
2. сар да сар деч варасе илыш
3. сар жапысе илыш

12. Повестьыште могай событийым тÿҥлан шотлыман?
1. Сергейын тунеммыже да школышто туныкташ тÿҥалмыже.
2. Кугу Отечественный сарын фронтлаштыже комсомолец Сергей Суворовын шочмо элын эрыкше верч виян кучедалмыже.
3. Кугу Отечественный сар кайыме годым ялысе калыкын фронтлан полшымыжо.

13. С.Суворовым молан положительный герой манаш лиеш?
1. Волгыдо ончыкылык нерген шонен.
2. Поро кумыл дене ойыртемалтын. Родо-тукымжо да пошкудыжо-влак дене эре шыма лийын.
3. Тудо шочмэлын пÿрымашыж дене ила, шочмэллан, калыклан, ончыкылык пиалан илышлан ÿшанле улеш.

14. «Чолга шÿдыр» повестьыште кульминацийлан мом шотлыман?
1. Сергейын школым тунем пытарымыже.
2. Сергейын пытартыш бойжо, курымашлык подвигым ыштымыже.
3. Геройын колымыжо, ойган уверын мöҥгö толын шумыжо.

15. Армийыш ужатыме годым аваж ден ачаже Сергейлан могай сугыньым пуат?
1. Йолташ-влакым пагалаш, полшен шогаш.
2. Тушман ваштареш лÿддымын кучедалаш, сеҥымаш дене пöртылаш.
3. Шкендым аралаш, осал тушман деч жапыштыже кораҥаш.

16. Повестьыште тыге каласыме могай шонымашым шочыкта?
«Суворов-влак тушманлан илышат, колышат огыт сдаватлалт!»
1. Вÿран фашист ваштареш ик ешла шогалше совет салтак шочынак герой. Нуно тыглай айдемак улыт, илыш, паша, йöратымаш нерген шонат.
2. Шочмо мландын эрыкше верч кучедалше калыкым нимогай тушманат сеҥен огеш керт.
3. Илышым йöраташ тунемман.

17. Могай ужашыште Сергейын кучедалме тулеш шуаралтмыже, неле заданийыш шке кумылын коштмыжо, ыштышаш пашам сайын ужын моштымыжо ончыкталтеш.
1. «Пайрем лугыч лийын»
2. «Шочмо элым аралаш»
3. «Ончыл позицийыште автомат дене»

18. «Чолга шÿдыр» повесть мыняр ужаш гыч шога?

1. 15
2. 10
3. 18

19. С.Суворов нерген А.Р.Соловьев могай книгам возен?

1. «Келшымаш»
2. «Келшымаш тул»
3. «Келшымаште вий»

20. Димитрий Орай коллективизаций, класс кучедалмаш, пиалан колхоз илыш темылан могай произведений-влакым пöлеклен?
1. «Ача-ава кумыл», «Немде кугыза» ойлымаш-влак
2. «Йытын мастар», «Куралмаште» ойлымаш-влак
3. «Родина верч» ойлымаш